Shall I Compare Thee by William Shakespeare

Translated by Allendy Doxy (allendy@letspeak.com)

 

 

A Kisa M ta Konpare W?

 

Èske w tankou yon jou cho lete?

Men ou se yon pi bèl chouchou epi ou pi dou.

Gwo van ka souke ti boujon nan mwa me;

Bon van fre lete vante byen vit tou.

Se kòmsi je syèl la kale tou wouj, tou gran,

Epi pafwa koulè lò l la fennen.

Epi bèl jou yo pa rete pou lontan;

Lànati chanje vap lelandemen.

 

Men chalè etènèl lete paw pap prale

Ni ou pap janm pèdi bèlte ou genyen.

Ni tou nan lonbray lanmò ou pap janm tonbe.

Lè w ap grandi nan etènèl chimen,

Osilotan lèzòm ka respire, je ka wè,

Se pou sa m di viv, epi fè w wè lavi klè.